viernes, 20 de julio de 2012

Cotón de Láncara

Cotón de Láncara, L.luna, Llión.
De la Autopista ´L Huerna, AP-66, saliemos como pa Villablino y dempués d´unes cuantes curves, hay una más pronunciada que tién un puentín, sobre un regatu que va pal pantano de Barrios de L.luna, pasamoslu y aparquiamos a contramano. Si vamos pol Puertu Ventana, tomamos direución autopista y dempués de Poladura de L.luna, vemos curva y Cotón.
Subiemos polos dos primeros llargos de la vía Puto Peaje.
 
En llegando a la repisa la segunda reunión, non siguimos de frente, desviámonos a la manzorga y entamamos la llambria, en diagonal a la mandrecha, con friends y empotradores pequenos.
Lo últimu la llambria, ye dificil de protexer, lo más ye aderencia. 
Dempués llega un resalte con algo de piedra sueltu y onde costó trabayu poner un seguru,
llegamos a una terraza que hay que atraviesar hasta poder atopar un bloque lo bastante buenu onde poder armar la tercera reunión, unos metros más abaxu de la arista cumera. Esti tercer llargu ye de 58 mtrs. El cuartu y últimu llargu, ye curtiu y facil polo que aseguramos al cuerpu.
Cume del Cotón de Láncara.
Les Peñes del Prau.
El Picu Cirbanal.
Baxamos caminando pola vía normal: siguiendo de la cume toda l´arista y coyendo la canal sureste. Dicimos-y adiós al Cotón de Láncara.
Llargu la vía: 190 mtrs. Dificultád la vía: V+, expuestu.

4 comentarios:

  1. Nun sabía que-y dabes a l'alpina... perguapa entrada y vaya vía... yo inda nun m'atrevo a l'alpina, la verdá.

    Un abrazu

    ResponderEliminar
  2. N´alpina, tamién se pueden facer víes fáciles y ye una sensación más gúapa, sin desmerecer les escueles nes que tamién esfrutámos abondu.
    Caleyando mundiu alantre.

    ResponderEliminar
  3. Esa placa tambien la vi yo...Me la quite de la cabeza al tener ese circo herboso de por medio. Enhorabuena por la actividad.El Coton se presume como otro campo de juego futuro
    Un saludo.

    ResponderEliminar
  4. Dempués de dudalo un momentu, fué un aciertu metese ´n faena y disfrutar d´ella. Cualquier día mos veremos nesta ú otra peña, Koki; hasta entós, un saludu.
    Caleyando mundiu alantre.

    ResponderEliminar